Skoðun 2005
Gleymdi að segja ykkur að ég er komin með "Skoðun 2005"
Heppin týpa........
Hugrenningar á háu stigi!
Á föstudagskvöldið veriður "veislan voðalega" haldin í Skorradalnum. Búist er við allt að 15 manns og verður mikið um mat. Þarna verða samankomnir helstu "gourmet-aðilar" bæjarins. Ég get því miður ekki gefið upp matseðilinn strax - hann á að koma á óvart.
Ég var að velta fyrir mér hvað ég er heppin að vera í fríi. Vorið er alveg að springa út og vorlyktin er komin í loftið. Við Prins fórum í göngutúr í dag, ég að skoða trén og að fylgjast með hvernig þau eru að springa út - en Prins að pissa á þau.
Pétur fékk skotveiðileyfið um daginn, fór með félaga sínum til að skjóta "löglega". Þeir skutu nokkra máva - og eina litla lóu (óvart, vonandi) sem hafði barist á móti veðri og vindum til að komast til Íslands - til að finna sér kærasta. Tilviljunin réði því svo að hún flaug fyrir framan nefið á Pétri og vini hans.
Var að velta fyrir mér hvort "skammdegisskórnir" mínir viti af því að það fer að koma að kompuferð - fyrir þá. Bráðum er orðið of bjart til þess að þeir geti verið ofan jarðar.
Önd kemur inn á bar og spyr barþjóninn: "Áttu brauð"?
Hvað gerir maður við 400 gúmmíteygjur? Ef þú ferð út í búð og það eina sem þér dettur í hug að kaupa eru 400 gúmmíteygjur - er þá ekki eitthvað að? Ég velti þessu fyrir mér í smá stund og komst svo að þeirri skemmtilegu niðurstöðu að það er allt í lagi að kaupa 400 gúmmíteygjur.........