Skoðun 2005

Gleymdi að segja ykkur að ég er komin með "Skoðun 2005"
Heppin týpa........

Veislan voðalega undirbúin..........

Á föstudagskvöldið veriður "veislan voðalega" haldin í Skorradalnum. Búist er við allt að 15 manns og verður mikið um mat. Þarna verða samankomnir helstu "gourmet-aðilar" bæjarins. Ég get því miður ekki gefið upp matseðilinn strax - hann á að koma á óvart.
Guðný er búin að taka til "Actionary-spilið" og ég held að Belgurinn sé byrjaður að æfa. Kannski verðum við heppin með veður og þá verður leikurinn fluttur út á sólpallinn. Ef ekki þá er nóg pláss inni.
Pant vinna..............

Gott að vera í fríi........

Ég var að velta fyrir mér hvað ég er heppin að vera í fríi. Vorið er alveg að springa út og vorlyktin er komin í loftið. Við Prins fórum í göngutúr í dag, ég að skoða trén og að fylgjast með hvernig þau eru að springa út - en Prins að pissa á þau.
Misjafnt hvað við fáum út úr göngutúrum!!

Svona getur þetta verið.......

Pétur fékk skotveiðileyfið um daginn, fór með félaga sínum til að skjóta "löglega". Þeir skutu nokkra máva - og eina litla lóu (óvart, vonandi) sem hafði barist á móti veðri og vindum til að komast til Íslands - til að finna sér kærasta. Tilviljunin réði því svo að hún flaug fyrir framan nefið á Pétri og vini hans.
Hugsið ykkur hvað lífið er skrítið - ekki bara hjá mannfólkinu, líka hjá lóunni.
Lóan er komin - dáin og étin.

Skammdegisskór - og svo aðrir skór

Var að velta fyrir mér hvort "skammdegisskórnir" mínir viti af því að það fer að koma að kompuferð - fyrir þá. Bráðum er orðið of bjart til þess að þeir geti verið ofan jarðar.
Þeir þola nefnilega ekki dagsbirtu - krumpast allir og kveljast!
Gott á þá - hverjum er ekki sama.
Það er að koma vor og þá fer ég í "hina" skóna.
Vei vei vei!!

Snilld!

Önd kemur inn á bar og spyr barþjóninn: "Áttu brauð"?
Barþjónn: "Nei".
Önd: "Áttu brauð"?
Barþjónn: "Nei".
Önd: "Áttu brauð"?
Barþjónn: "Nei við erum ekki með neitt brauð".
Önd: "Áttu brauð"?
Barþjónn: "Nei, við erum ekki með neitt fjandans brauð hér"!
Önd: "Áttu brauð"?
Barþjónn: "NEI! Eru heyrnarlaus eða hvað!? Við erum ekki með neitt
djö****** brauð hér! Ef þú spyrð mig einu sinni enn þá negli ég helv***
gogginn á þér fastan við barborðið, óþolandi fáviti"!!
Önd: "Áttu nagla"?
Barþjónn: "Nei".
Önd: "Áttu brauð"?

Gúmmíteygjur - til hvers?

Hvað gerir maður við 400 gúmmíteygjur? Ef þú ferð út í búð og það eina sem þér dettur í hug að kaupa eru 400 gúmmíteygjur - er þá ekki eitthvað að? Ég velti þessu fyrir mér í smá stund og komst svo að þeirri skemmtilegu niðurstöðu að það er allt í lagi að kaupa 400 gúmmíteygjur.........

Hið besta mál!